My Turf

Mahirap para sa isang taong puyat na puyat na simulan ang araw ng walang kape.

Si Checheboobear, bagong gising. Nakahiga sa sala habang nag-hihintay kumulo ang tubig sa termos.

Tok-tok-tok!

Kumakatok na si Ate Aida, ang taga-linis at taga-laba na pumupunta sa apartment ko isang beses kada linggo. 12:30 na ng tanghali. Buti na lang dumating sya ng gising na ako, kung hindi, walang magbubukas sa kanya. 

Derecho si Ate Aida sa taas upang simulang linisin ang kwarto kong hindi na umayos kailanman.

Kumikiriring ang cellphone ko. “Crizelle Medoza calling…” sabi sa caller ID.

Si Mama Crizelle, better-half ni Direk Aaron ‘Papin’s, tumatawag.

“Hello?” Aantok-antok ko pang sagot.

Nagulat akong boses ni Papins ang bumati sa akin.

“Nag-check ka na ng email mo?”

“Hindi pa. Baket?”

“Mag-check ka na, bilis.”

“Baket nga?!” Buhay na buhay na ang diwa ko. Nothing like chismis to give me a jolt.

 “Nanalo ka. Sa Filmaka.”

Nag-taasan ang mga balahibo ko,

“Pag ako ginagago mo lang, aawayin kita habang-buhay!”

Patawa-tawa si Papins. “Mag-check ka nga ng email mo! NANALO KA! Nanalo din ako!”

“AAAAAAAAAHHHHHHHHHHH!” (Repeat 100x)

Kasabay ng paulit-ulit na pagtalon, di malayong isipin ng mga kapitbahay kong nababaliw na ako.

59 entries galing sa kung saan-saang bahagi ng mundo. Sino ako para isiping makakasama ako sa entry level winners?

Kung kaibigan kita o nakabasa ka ng ilang mga blogs ko, malamang alam mo nang isa akong panatiko ng positive thinking at Law of Attraction.

May matindi din akong pananalig sa power of prayers, and that the Lord meant it when he promised, “Had I not prepared success ahead of you?”

Ngayon, tutuloy na kami ni Papins sa Jury Level. Sa pagkakaalam ko, 2 lang kaming Pilipinong sumali sa contest for this theme, at naging finalists pa kaming dalawa.

Iba lang talaga yung feeling pag nangyari na yung dating pinapangarap mo lang.

AAAAAAAAAAHHHHHHHHHHH!

Ayun lang. To see the final list of winners, just go to the Filmaka site (www.filmaka.com). If you haven’t seen my film or Aaron’s, just search for “Pagtingin” and ”Birthday.”

Congrats, Papins! Congrats, Plus Side team!

Sa lahat po ng nanood at bumoto, MARAMING-MARAMING SALAMAT PO!